2ª GALEGA FEMININA G1, (30ª Xda) : “Muxía e Tordoia certifican o ascenso a 1ª Galega e seguen na pugna polo título, o Corme empata pero sigue con opcións de promoción, tamén vitoria de Dumbría e dura xornada para a Esteirana no derbi co Cee xogando con 9”.

A 30ª xornada da 2ª Galega Feminina G1 deixou unha nova demostración de forza dos equipos da Costa, cun CF Muxía lanzado cara ao título e con varios partidos marcados polas circunstancias neste treito final de tempada.

O CF Muxía non fallou e goleou con autoridade ao Brexo Lema (5-1), sumando tres puntos máis que o manteñen líder sólido con 79 puntos. O equipo segue cun ritmo imparable e dá un paso máis cara ao obxectivo, amosando pegada ofensiva e regularidade nun momento clave do curso, a falla de 4 xornadas asegurou o ascenso a 1ª Galega.

“A nosa máis cordial noraboa a ambos conxuntos en especial as rapazas do Muxía…polo que nos toca”.

Tampouco cede o SD Tordoia, que respondeu cun contundente 8-1 sobre o Victoria CF “C”. As de Tordoia continúan á estela do liderado, mantendo a presión a só tres puntos do Muxía nun pulso que promete emoción ata o final, xa que un erro das muxianas sumado a unha vitoria deleas igualaríanse a puntos pero co golaveraxe individual empatado teñen as tordoieses o total mellor cas muxianas, (a día de hoxe). As da Vila da Barca teñen +92 polos +107 das toroiesas .

Na zona costeira, o CF Dumbría sumou un triunfo importante (2-0) fronte á AD Nicrariense, consolidándose na zona media-alta e confirmando a súa boa dinámica nas últimas semanas.

Máis igualado foi o choque doCF Corme, que asinou un empate con goles (3-3) ante Unión Campestre nun duelo aberto e competitivo, no que as cormelás continúan sumando para manterse na pelexa polos postos máis destacados.

O derbi da xornada estivo marcado polas dificultades do SCDR Esteirana. As de Esteiro, moi mermadas polas baixas, tiveron que afrontar o encontro ante o UC Ceecon só nove xogadoras, circunstancia que se reflectiu nun claro 0-6 a favor das ceenses. Un final de tempada especialmente duro para a Esteirana, que xa viña de sufrir a resolución en contra do partido suspendido ante o Eirís, que finalmente se lle deu por perdido (3-0) por falta de efectivos.

Precisamente, o Eirís SD tamén foi protagonista ao levar os tres puntos no seu encontro fronte ao Orillamar (0-1), o que lle permite seguir escalando posicións e meterse na zona media da táboa.

No resto da xornada, a Milagrosa continúa firme na cuarta praza tras vencer ao San Lázaro (2-1), mentres que o Cultural Maniños logrou un dos seus poucos triunfos do curso ao superar ao Órdenes “C” (4-2).

Na clasificación, poucos cambios na zona alta: Muxía e Tordoia co ascenso asegurado manteñen o seu particular man a man polo título, co Bergantiños B co seu descanso xa cumprido xa ten asegurada a promoción. Por detrás, Milagrosa consolídase no segubndo posto de promoción, mentres que Corme e Victoria “C” quedan igualados a puntos a 7 das lucenses con 12 por disputar e sabedoras de que o Milagrosa ainda ten que descansar unha xornada da 4 que restan para o final.

A falta de 4 xornadas, a liga entra na súa fase decisiva cun claro protagonismo dos equipos da Costa, tanto pola loita polo título como pola boa tempada en xeral de todas destacando en especial a resistencia en situacións límite, como a que está a vivir a Esteirana.

-A visión do adestrador-

CF Dumbría 2-0 AD Nicrariense

Santi Cubelo, (adestrador do Dumbría) :