1ª GALEGA FEMININA , (27ª Xda) : “Gran encontro do Xallas ante un gran rival, empatando no desconto final””.

“Partido matutino o que disputabamos no A Fontenla. Visitabamos a un gran Villalonga B, que dispón de xogadoras de categoría nacional e que ben se fixeron ver na primeira parte, tendo o dominio do xogo e creando perigo constantemente.

A segunda parte foi todo o contrario. Acostumadas a ver avións, esta vez eramos nós as que pilotabamos cazas, chegando con claridade e xogando de forma espectacular, triangulando e saíndo co balón controlado. Houbo chegadas aos pés de Oli, Espasandín e Barcia, con algún tiro lonxano de Noe e con Mery, xefa e señora do medio campo. Uns 12 primeiros minutos espectaculares que veriamos truncados coa recuperación e rápida contra que nos fai o Villalonga, colocándose co 0-1.

Pero se sabemos algo das chicas de verde é que os brazos nunca se baixan. Intentaron recuperar o dominio e facerse co control. Fixemos cambios con xogadoras do B que están demostrando o gran acerto pola aposta da súa creación. Non renunciabamos ao partido e, tirando de coraxe, colocabamos tres dianteiras: Judith e Sori, que empezaban este ano no B e que xa son de gran solución nesta Primeira Galicia co primeiro equipo.

E, mestura de coraxe, sabia nova e veteranía, chegaría o empate no 90 cun certeiro córner sacado por Oli, que ve desmarcada a Sori e, coa defensa contraria desconcertada pola incorporación da nosa meta Peta, Sori (primeiro ano no Xallas e de gran axuda para o primeiro equipo), conseguía o empate aos seus 15 aniños, colocando o balón sutilmente no segundo pau sen opcións para a porteira.

Gol de ledicia que festexaba a grada incondicional e xusto empate, demostrando que a sección feminina do Xallas ten moito potencial.

1-1 e dedicatoria a todas as nais no seu día. SEGUIMOS ADIANTE.“